·
日日在家工作，仲要陪小朋友喺屋企困獸鬥最少到4月尾，作為家長睇住小朋友咁壓迫嘅成長，確實好擔心😢。家長憂心忡忡，同時亦唔知有咩方法可以幫到小朋友，俾到佢地簡單嘅健康同快樂，更遑論全面嘅成長同學習需要，點算😞。
遊沐創立，源於香港孩子太大壓力，有啲甚至睇唔到生命嘅希望，期望透過連結大自然讓各位減壓，及發現生命中嘅快樂🌾。兩囡爸爸嘅創辦人威廉及遊沐團隊，深深感受到香港家長們嘅困境，並相信「🌳大自然療癒力🌳」能幫助到小朋友及家長們，因此希望盡快舉辦一個免費家長講座 - 「🎋如何在疫情下玩大自然遊戲🎋」，為大家喺疫情下提供一個俾小朋友及大人可以簡單掌握身心健康嘅方法。
🔎活動資料
日期：05/03/2022
時間：15:00-16:00
形式：線上（ZOOM)
對象：家長、幼兒教育工作者、社工或任何有興趣人士
費用：免費
報名方法：按此報名
🔎講者：《遊沐》創辦人及首席導師 - 威廉
威廉為兩囡爸爸，同時身兼多個身份－註冊社工、認證森林浴嚮導、野外急救講師、香港專業教育學院幼兒教育系客席講師等。從事體驗式自然教育20年，5年前創辦遊沐，致力推廣自然與心靈教育。曾為超過300間中小學、幼稚園及特殊學校設計、策劃及提供創新生態及幼兒自然活動及教師培訓。
🔎內容
- 什麼是大自然遊戲（nature play）?
- 大自然對幼兒身心發展的好處
- 疫情下，如何安全地大自然遊戲？
- 帶領大自然遊戲技巧分享
- 你問我答Q&A：威廉哥哥親自解答
遊沐期待大家嘅參與，線上見! ✨
