返回網站

《更生 - 上》

今晚係平安夜

回想起之前同一班更生人士去大自然

佢哋除咗有坐過監嘅經歷

大部份亦係照顧者嘅角色

生活壓力難以言喻

對人嘅信任都好唔容易

活動開始時大家都「你眼望我眼」

靜靜打量不敢輕言表達

________________________

森林療癒路線一如以往

豈料三分鐘聆聽大自然聲音嘅時間

其中一位參加者打開眼後感到十分失落

因過程中耳邊有一隻飛蟲打擾

嚇得成個人跳起

餘下時間亦未能回復平靜

難以享受期望嘅平靜

佢話:

「好似我人生咁,

努力想平靜都平靜唔到,

好辛苦。」

我問:

「前面仲有一段路可以畀你享受平靜,

你想再試試嗎?」

佢答:

「我唔知道,

或者我唔想再試啦......」

________________________

簡單一個自然遊戲

之前大部分參加都會感到放鬆

但對更生人士而言

原來「平安」係咁唔容易......

當我哋可以同家人平安共聚平安夜

希望大家都將心裏面一部分嘅關心

畀尚未能擁抱平安嘅香港人

.

.

.

祝各位

平安 快樂