《暑期實習生自我介紹》

大家好呀我係Monica呀，係遊沐嘅暑期實習生，而家喺香港中文大學嘅新聞及傳播學院讀緊二年級。作為一個都市人，我好容易會事事緊張，而我覺得大自然最神奇嘅地方就係佢總係可以帶俾我一份難得嘅平靜我平時最鍾意係坐喺碼頭，靜靜咁望住海面上嘅湧浪，坐下坐下，咁樣就一個下晝喇。

話時話啊，你地有無自己嘅自然名稱架？你地可以叫我枯葉。

見到枯葉你地會諗起咩呢？死氣沉沉嘅顏色？萬物凋零嘅季節？我就覺得見到枯葉會令我有滿滿嘅正能量。凋落嘅樹葉雖然結束左喺樹上嘅旅程、脫落、失去原來嘅色彩，但係佢選擇咗賦予生命另一重意義，利用自己剩餘嘅養分繼續滋養大地。我覺得大自然入面嘅一花一草都有住自己嘅角色同功能，好期待喺呢兩個月喺遊沐嘅實習生活可以好似枯葉咁好好探索一下自己嘅定位同大自然間嘅聯繫。

活動一覽

企業室內工作坊

企業團隊訓練活動

森林療癒體驗

觀賞螢火蟲及夜行活動

尋找海星之旅

南丫自然拾趣

認識漁港文化及探訪野豬

漫步山頂盧峰故事之旅